阿爺八鮮鍋 (已結業)

我有一位朋友差唔多次次同佢食飯都係同我食放題，今次到我帶佢去食餐好少少的任食海鮮，最欣賞佢哋的海鮮上枱時仲係識郁，平時單點活鮑魚都要$50一隻，仲有雞煲和刺身、火鍋！！任食2.5小時＄398一位，價錢唔算太貴，而且食物選擇多幾豐富，最推薦都係食海鮮一開始會送上燉湯，同埋揀返雞煲的口味，雞湯真材實料幾好飲如果可以refill 就好，韓式芝士雞煲，用上三色芝士，Mozzarella幾濃味正！芝士拉絲加埋雞煲好惹味，份量唔會好多，可以保留返實力之後食海鮮龍蝦海鮮拼盤拼盤已經包含各款時令海鮮，擺盤超靚造型好搶眼，大龍蝦、大肉蟹、海蝦、活鮑魚、大扇貝等，有幾款海鮮可以試完之後再encore咁多款海鮮裏面，我自己覺得必食鮑魚，個頭夠大有鮮味，不知不覺都食咗五六隻火鍋配料方面，龍躉頭腩勁滑，鍾意食魚不要錯過，另外仲試咗新鮮魚鰾，煙煙韌韌超好食，平時好少地方可以食到，記得要剪開先放落去，除咗海鮮方面，安格斯肥牛、牛骨髓都係必食，而且有唔少新鮮火鍋配料，手打墨魚滑蝦滑，一次真係試唔晒，都係將重點放返喺海鮮，真係海鮮控的天堂—————————————————阿爺八鮮鍋 (旺角)旺角登打士街43H號登打士廣