泰好記

營業中

休息中

最近同朋友去咗一間叫旺角嘅泰國餐廳，餐牌個封面好得意有老細個樣，呢度仲有唔少泰國人員工。香葉辣椒河牛 $68超有鑊氣，牛肉嫩滑，香葉同辣椒嘅味道融合得非常好。不過要提醒下，呢道菜真係極之辣，鍾意食辣嘅朋友一定唔可以錯過。泰式燒魷魚 $128原條燒魷魚超大條，肉質鮮嫩，燒得啱啱好，配埋酸酸辣辣嘅汁，真係一流。每一口都充滿海鮮嘅鮮味同泰式風味。小食拼盤（小） $80小食拼盤有炸蝦餅、炸蝦卷、炸魚卷各兩件，呢個組合真係啱晒一班朋友分享。炸嘢炸得好香脆，唔會油膩，每一款小食都各有特色。泰式青咖喱雞 $78咖喱濃郁，雞肉嫩滑份量多，特別推介你哋可以另外加蒜蓉包$38，一齊食真係好味，蒜蓉包嘅香氣同咖喱好夾。