三公台灣料理 (已結業)

真心，係佢窗口並排的bearbrick吸引左我望呢間舖頭。因為係樓上舖既關係，以為係普通樓上零售舖，點知上去睇先知係台灣料理，環境仲好闊落，裝修木系，又唔多人，上到去就順便幫襯啦！Lunch hour有Lunch Set提供，包台式飲品都係八十蚊左右，CP值高！而且每個餐仲包椒麻拍青瓜/芒果田園沙律的前菜!今次每人叫一個餐，再叫唔同前菜，可以試曬；椒麻真係又辣又麻，田園沙律食落好fresh,芒果都大大舊！三公鹽酥雞滷肉拌飯份量大份，鹽酥雞炸粉薄身，食落嫩口又脆身，食完好有罪惡感。另外有滷肉舖面，個飯食落唔會好乾身。蚵仔滑蛋滷肉拌麵蚵仔大大粒，滑蛋滑身，唔會煮到好老。麵底係正常台灣闊麵。但相比牛肉拌飯，我會鍾意嗰個多啲加埋台式飲品，直頭好似去咗台灣！