八居酒屋 (旺角新城)

營業中

休息中

-試業中嘅居酒屋，尖沙咀分店主打串燒，旺角呢間就主打刺身。一出𨋢，就見到有夾公仔機，原來係餐廳俾用餐後嘅客人玩嘅😏🐄鹽燒牛舌串 $58店長推薦菜式，表面灑上黑椒碎，燒汁微甜，夾雜炭燒香味。牛舌好多肉汁！口感嫩滑，必試😋👍🏻🐟特上八盛丼 $168八種食材包括海膽、牡丹蝦、帆立貝、油甘魚、白身魚、三文魚、三文魚籽、玉子。帆立貝味鮮而且大件，牡丹蝦嘅蝦膏鮮甜唔苦👍🏻🦀八居自選丼 $130🐷揀左松葉蟹肉($48)、三文魚籽($40)、味噌蟹膏($42)。三文魚籽粒粒分明非常新鮮，蟹膏夾雜蟹肉，濃香而口感豐富。以上跟餐+$20配茶碗蒸、沙律、味噌湯、甜品🍦跟無酒精飲品可享半價優惠。強烈建議跟餐，茶碗蒸蛋味濃郁，味噌湯有好多豆腐同海帶😍🧀雙重芝士厚鰻卷 $68鰻魚肥美，芝士奶味偏重，唔會搶左鰻魚嘅味道，唔太接受芝士味嘅🐷都覺得好味。🌸櫻壽司盛 $138包括帆立貝、油甘魚、紋甲魷魚、三文魚、赤貝、赤身、芥末八爪魚、三文魚籽。當中貝類特別出色，味道鮮甜。壽司飯屬於較多壽司醋同較軟身，但夾嘅時候都唔會散開。🍑白桃梳打+$16大大杯非常解渴，有粒粒果肉。八居酒屋 (旺角新城)旺角彌敦道594-596號旺角