平昌

營業中

休息中

韓燒一向都係港女晚飯嘅必備之選，當然女朋友都唔落後，所以今日就去咗食呢間聽閒真係有oppa 嘅一間韓燒。而且所有燒肉都係任食仲有各式各樣嘅熟食同韓式小食肉類方面最主要推介烤特級豬頸肉，豬頸肉每一件都切得薄薄地。不過較長而且食落雖然唔會有太多脂肪不過都非常容易咬。另外照燒豚五花肉和烤辣醬五花腩係有醬料調味之後才上枱嘅豬肉。而且見到脂肪同肉嘅層次非常之明顯，所以食落非常之有口感可以食多啲。而牛肉方面比較推薦牛肉腌叉肉和辣將五花肉。兩個嘅牛味都比較濃，而且辣味五花肉有少少辣辣地比較惹味，更加容易入口。而烤LA牛排骨嘅質素就比較有大嘅起伏，一時好容易咬一時肉質就比較老。另外值得食嘅仲有烤雞肉以及煙鴨胸，雞肉嘅肉質非常之嫩滑，而煙鴨胸除咗咸左少少之外，整體上嘅肉質亦都唔錯。另外如果大家唔夠飽嘅不妨可以食埋海鮮純豆腐辣湯，真正做到韓式風味，夠辣，而且有好多菜嘅風味。另一方面韓式什錦飯都可以一戰。佢係用完整一個石鍋上枱，所以上枱仲非常熱辣辣。而且有少少飯焦加上調味都夠鹹，都還原到韓式嘅風味。最後職員嘅服務態度唔錯，而且唔會有漏單嘅情況發生，加上落單後上菜嘅速度都非常之快值得一讚。