阿爺八鮮鍋 (已結業)

旺角最鮮味非阿爺八鮮鍋莫屬。帶女朋友黎食呢間任食鮑魚既火鍋店食到飽。環境：超級闊落，安排到坐卡位，放滿成枱慢慢食。食物：我地每人＄398，一開始上左個雞煲先，暖下個胃，雞肉好鮮嫩，調味亦做得好好。食完之後就可以叫staff換煲打邊爐，海鮮拼盤，最最最好食就係超甜大龍蝦，非常新鮮。其次佢既大鮑魚，仲係識動，睇得出好新鮮。聖子超大隻，回本無難度，加埋佢既湯底，更能帶出食物既質素。超級推薦大家黎呢到食，任食超新鮮海鮮，真係第2度搵唔到。