影片
更多
2018-05-10
43 瀏覽
朋友帶路話去彌敦道食 omakase殊不知唔係尖沙咀彌敦道，而係去旺角彌敦道！不過呢條街都真係多咗好似 H8 咁樣成棟都係餐廳嘅大廈好多餐廳質素都唔差㗎呢間日本餐廳喺旺角 A1 出口一上去就係方便到一個點呀 😂原來呢度有兩層嘅，我哋食 omakase 就上二樓～裝修以木做主題，係好有日本 feel 嘅簡約格調牆櫃就擺滿哂各種唔同嘅酒前菜 platter 將幾樣小巧精緻嘅小菜擺埋一齊成個效果好有氣勢，而且好豐富～杯仔入面無 close up 影，佢係【水雲髮菜山芋蓉】有時啲餐廳會整到水雲酢過酸但呢度嘅調味就啱啱好，酸得開胃清爽山芋即是山藥，山芋蓉口感濃稠、黏黏糯糯都好好食 😋白色嘅係【魷魚】，一大梳掛起好似瀑布 💧好鍾意佢食落好漿口～魷魚下面有啲自家製嘅大根漬粒粒左下角嘅【蕃薯枝豆豆腐】係 pastel 嘅黃綠相間，個樣好可愛將枝豆整成凍豆腐咁食，非常有新鮮感！右下角嘅【螢光魷魚】無一般咁重手整得好鹹調味好似水雲咁，恰到好處 👍🏻 口感好爽滑～刺身有三款，青檸片上面嘅係【粒貝刺身】原來粒貝就係響螺，肉質比其他貝類細緻當然係好爽甜彈牙啦！夾起嘅【牡丹蝦】只係半身嚟咋，成隻蝦好大隻下【拖羅】
殊不知唔係尖沙咀彌敦道，而係去旺角彌敦道！
不過呢條街都真係多咗好似 H8 咁樣成棟都係餐廳嘅大廈
好多餐廳質素都唔差㗎
呢間日本餐廳喺旺角 A1 出口一上去就係
方便到一個點呀 😂
原來呢度有兩層嘅，我哋食 omakase 就上二樓～
裝修以木做主題，係好有日本 feel 嘅簡約格調
牆櫃就擺滿哂各種唔同嘅酒
前菜 platter 將幾樣小巧精緻嘅小菜擺埋一齊
成個效果好有氣勢，而且好豐富～
杯仔入面無 close up 影，佢係【水雲髮菜山芋蓉】
有時啲餐廳會整到水雲酢過酸
但呢度嘅調味就啱啱好，酸得開胃清爽
山芋即是山藥，山芋蓉口感濃稠、黏黏糯糯
都好好食 😋
白色嘅係【魷魚】，一大梳掛起好似瀑布 💧
好鍾意佢食落好漿口～
魷魚下面有啲自家製嘅大根漬粒粒
左下角嘅【蕃薯枝豆豆腐】係 pastel 嘅黃綠相間，個樣好可愛
將枝豆整成凍豆腐咁食，非常有新鮮感！
右下角嘅【螢光魷魚】無一般咁重手整得好鹹
調味好似水雲咁，恰到好處 👍🏻 口感好爽滑～
刺身有三款，青檸片上面嘅係【粒貝刺身】
原來粒貝就係響螺，肉質比其他貝類細緻
當然係好爽甜彈牙啦！
夾起嘅【牡丹蝦】只係半身嚟咋，成隻蝦好大隻下
【拖羅】佈滿雪花嘅肉脂紋
侍應 recommend 我哋用紫蘇葉包住食
咁樣品嚐到拖羅嘅油脂油香之餘
又可以清新啲
壽司都係三款，多咗一件係師傅送㗎～ ☺️
左起係【赤目張】，係魚味濃郁嘅魚
不過我就鍾意【深海池魚】多啲～
【海膽】爆滿，堆得好高 😍 好鮮甜！
最右就係師傅贈送嘅【海綿蛋】
仲以為係似玉子之類咁啦
點知一食落真係好似海綿蛋糕咁綿密
但又比蛋糕更香蛋味！
我從來未食過咁樣質感嘅蛋，好正～
呢碟唔係 Avengers 😂 係【鹽焗銀鱈魚】
扒開啲鹽同埋張紙，就會見到條銀鱈魚㗎喇～
打開嘅過程亦幾有趣㗎
銀鱈魚魚肉好滑嫩，絕對無話焗到 overcooked
好有水準 👍🏻
【蜆肉麵豉湯】好足料，隻隻蜆都好飽滿
最後係日本水果加甜品 😝水果有【士多啤梨】同【枇杷】，都好鮮甜
粉紅色嘅【櫻餅】係關西風～
用糯米包住啲紅豆蓉，QQ 哋咁
中間個朱古力波波係【柚子朱古力】
咬開係柚子漿，勁好食！
【焙茶雪糕】都係好好味，茶味好清香
今次喺旺角食 omakase 真係一次唔錯嘅體驗食材好新鮮，調味又好合我口味
侍應笑容好好，招呼親切，令人感覺好 warm
omakase 定價就由 $600 起，豐儉由人～
張貼
