幸福堂 (已結業)

其實間唔中我都會飲珍珠奶茶，但今次想講一講旺角呢一間幸福堂嘅珍珠奶茶。雖然話就話珍珠奶茶真係好普通，但我認為最簡單係最好味嘅。好多時候飲珍珠奶茶啲珍珠都係唔好食，依家好多時候飲珍珠奶茶啲珍珠真係又淋又散，亦都唔係每一家幸福堂嘅珍珠好食。旺角呢一間嘅幸福堂珍珠奶茶就可以帶給愛吃珍珠嘅你幸福。呢一間嘅珍珠比較煙煙韌韌，又有咬口。今次我叫咗杯鑽石台灣珍珠奶茶，都只係需要$28。飲落去又唔會好甜，未到啱啱好，珍珠又大粒，杯嘢飲仲要大大杯，真係好抵又好飲。因為太好飲嘅關係，完全唔記得飲之前影個相先飲。最後而家淨係得返啲珍珠影咋