影片
更多
2024-09-21
96 瀏覽
同朋友行街行到攰，咁啱喺朗豪坊見到呢間餐廳，覺得佢啲裝修都幾得意，就入咗嚟食。等啲嘢食上枱嘅時候先知道啲份量係幾咁得人驚，特別係個炸雞，啲雞又多又大隻。‣ 海鮮&五花肉三合 $340睇相嘅時候覺得好吸引就忍唔住嗌咗，有鮑魚、扇貝同埋大大隻八爪魚，一邊燒嘅時候一邊就聞到勁香，淨係聞落去已經覺得好吸引。食嘅時候都覺得調味雖然濃郁，但啱啱好，而且又唔會話太過油膩，啲豬肉都好香，唔嚡口，值得一試。‣ 甜辣炸雞&蒜香醬油炸雞配香腸年糕串 $218上枱嘅時候就發覺份量真係超級驚人，炸粉唔會話好厚，我勁鍾意佢嘅甜辣炸雞，難得有一款甜辣醬我真係覺得偏辣，而唔係單純得個甜字。雖然比較辣，但對我嚟講幾過癮。而佢嘅香腸年糕串嘅年糕係有特別炸香過，絕對唔係敷衍完就算。‣ 韓式炒年糕 $128由於我嘅朋友真係極鍾意食年糕，所以嗌多咗一碟年糕。中間仲有啲辛辣麵伴碟，咬落去第一啖你就知道一定係韓國嘅麵底。年糕煮得相當淋身煙韌，朋友比較鍾意辣辣地嘅醬汁，佢極度鍾意呢一個韓式炒年糕。不過如果係我嘅話，下次應該會想試吓玫瑰醬。‣ 青提子碳酸水&柚子碳酸水 $40 & $40佢嘅青提子碳酸水真係有青提子嘅果肉同埋果皮，其實
‣ 海鮮&五花肉三合 $340
睇相嘅時候覺得好吸引就忍唔住嗌咗，有鮑魚、扇貝同埋大大隻八爪魚，一邊燒嘅時候一邊就聞到勁香，淨係聞落去已經覺得好吸引。食嘅時候都覺得調味雖然濃郁，但啱啱好，而且又唔會話太過油膩，啲豬肉都好香，唔嚡口，值得一試。
‣ 甜辣炸雞&蒜香醬油炸雞配香腸年糕串 $218
上枱嘅時候就發覺份量真係超級驚人，炸粉唔會話好厚，我勁鍾意佢嘅甜辣炸雞，難得有一款甜辣醬我真係覺得偏辣，而唔係單純得個甜字。雖然比較辣，但對我嚟講幾過癮。而佢嘅香腸年糕串嘅年糕係有特別炸香過，絕對唔係敷衍完就算。
‣ 韓式炒年糕 $128
由於我嘅朋友真係極鍾意食年糕，所以嗌多咗一碟年糕。中間仲有啲辛辣麵伴碟，咬落去第一啖你就知道一定係韓國嘅麵底。年糕煮得相當淋身煙韌，朋友比較鍾意辣辣地嘅醬汁，佢極度鍾意呢一個韓式炒年糕。不過如果係我嘅話，下次應該會想試吓玫瑰醬。
‣ 青提子碳酸水&柚子碳酸水 $40 & $40
佢嘅青提子碳酸水真係有青提子嘅果肉同埋果皮，其實就係好似梳打咁樣，解辣一流。柚子相對上冇咁甜，所以酸酸地其實用嚟解膩就啱啱好。
張貼
