影片
更多
2022-05-04
58 瀏覽
最近好沉迷食布丁燒🍮 由我初嚐第一啖布丁燒開始就已經係注定要做一個布丁燒控😚 唔係講笑，我今個禮拜都食咗兩間嘅布丁燒🤫 不過如果要講到心目中no.1 布丁燒，我會推薦呢間「呦呦鹿鳴布丁燒」，呢間係我暫時食過之中最滿意☺️ 味道最為正宗，店主兩夫婦專誠去台灣學藝㗎，相當有熱誠👏呢間「呦呦鹿鳴布丁燒」喺葵廣都有分店，相當高人氣，前排梁祖堯都有去幫襯㗎👀 我今次行經旺角T.O.P 終於忍唔住要試啦💕 布丁燒係由焦糖+雞蛋布丁+芝士蛋糕三層組成🍮 呢間布丁燒啲口味相對創新，抹茶味、焙茶味、雲哩拿味呢啲基本嘢一定要有，最正係佢有Baileys味、Tiramisu味、椰青味、芝麻味、3.7牛乳味等等呢啲特別口味！部分口味仲係低糖添🙆🏻♀️同埋佢哋有印字服務，啲圖案盞鬼得意，有「走先喇，係咁先喇」、「老闆萬歲」、「Bye Bye你條尾」等字句，買嚟做升職餅、散水餅都幾得體，全部獨立包裝，派起上嚟又方便衞生👩🏻💼 佢亦有提供布丁燒到會服務🏃🏻♀️ ❤️ Tiramisu 布丁燒 $38呢款只限堂食🍽 店員會喺你面前將布丁燒倒出嚟放上方形紙碟，再灑上一層朱古力粉！好有儀式感😆 布丁表面滑溜，好動L而且挺身
呢間「呦呦鹿鳴布丁燒」喺葵廣都有分店，相當高人氣，前排梁祖堯都有去幫襯㗎👀 我今次行經旺角T.O.P 終於忍唔住要試啦💕 布丁燒係由焦糖+雞蛋布丁+芝士蛋糕三層組成🍮 呢間布丁燒啲口味相對創新，抹茶味、焙茶味、雲哩拿味呢啲基本嘢一定要有，最正係佢有Baileys味、Tiramisu味、椰青味、芝麻味、3.7牛乳味等等呢啲特別口味！部分口味仲係低糖添🙆🏻♀️
同埋佢哋有印字服務，啲圖案盞鬼得意，有「走先喇，係咁先喇」、「老闆萬歲」、「Bye Bye你條尾」等字句，買嚟做升職餅、散水餅都幾得體，全部獨立包裝，派起上嚟又方便衞生👩🏻💼 佢亦有提供布丁燒到會服務🏃🏻♀️
❤️ Tiramisu 布丁燒 $38呢款只限堂食🍽
店員會喺你面前將布丁燒倒出嚟放上方形紙碟，再灑上一層朱古力粉！好有儀式感😆
布丁表面滑溜，好動L而且挺身，入口軟滑😛
布丁同蛋糕比例係1:1，底層蛋糕濕潤，個人覺得佢嘅咖啡味比焦糖味及朱古力味突出，朱古力粉更為布丁燒增添少少甘苦味。❤️ Baileys 布丁燒 $38
係18禁口味，酒鬼必試！🔞 呢款幾啱打卡，有送一枝小唧管俾你唧幾滴baileys落去，幾好玩😝
每啖都有陣陣甜酒香，baileys加上焦糖，甜度會比tiramisu布丁燒再甜啲啲🤏🏻 整體味道無tiramisu嗰款咁濃味，咁樣反而更品嚐到布丁嘅蛋香。餐廳推薦度：⭐️⭐️⭐️⭐️ (4/5)
兩款比較之下，我鍾意Tiramisu 布丁燒多啲👀 食完真係想下次試哂全部口味😂🙌🏻 香港品牌值得支持支持🇭🇰
張貼
