影片
更多
2022-08-30
260 瀏覽
今晚同男友去食串燒，呢間位置旺角嘅串燒店很有人氣，晚上7點已經開始多人，不過等左一陣就可以入座，雖然鋪頭細細，但座位唔迫又乾淨，仲好夠冷氣，所以坐得好舒服，最岩同友人/情侶邊食串燒邊飲野，仲可以慢慢傾計。即叫即燒，但唔會等好耐，落單至上菜都有禮貌又有效率，串燒熱辣辣好香，最正係呢度食物同飲品價錢抵食又好味，會推介朋友再來。魷魚鬚 $22一坐底就有個泰式酸辣汁，最岩配海鮮，魷魚鬚好爽彈鮮嫩，配埋個汁，酸中帶辣刺激又開胃安格斯牛肋串 $24牛肋肉帶少少脂肪，牛味濃郁又香，微微韌性有咬口，燒得岩岩好仲有肉汁。金菇肥牛卷 $21調味好正好惹味，肥牛嫩彈有油香，包著爽口金菇，好好味，一串唔夠喉。鹽燒牛舌 $26厚切有肉感，較有韌度好好咬，配啤酒一流。西班牙黑毛豬肋串 $26豬味會重d，口感扎實微彈，因為有少少肥肉位，少少爽彈好正。羊肉串 $18唔羶好食，係脂肪位有少少羶，羊味重，個人覺得味道岩岩好。雞髀 $32好大隻雞髀，所以燒得耐少少，香草同孜然嘅香味太吸引，雞皮脆卜卜，而且燒完唔油，雞髀肉估唔到咁嫩彈咁多肉汁，做得出色。菠蘿 $16燒得好靚仔，入口清甜多汁帶果香，食完串燒肉，食一口清清味蕾再
今晚同男友去食串燒，呢間位置旺角嘅串燒店很有人氣，晚上7點已經開始多人，不過等左一陣就可以入座，雖然鋪頭細細，但座位唔迫又乾淨，仲好夠冷氣，所以坐得好舒服，最岩同友人/情侶邊食串燒邊飲野，仲可以慢慢傾計。
即叫即燒，但唔會等好耐，落單至上菜都有禮貌又有效率，串燒熱辣辣好香，最正係呢度食物同飲品價錢抵食又好味，會推介朋友再來。
魷魚鬚 $22
一坐底就有個泰式酸辣汁，最岩配海鮮，魷魚鬚好爽彈鮮嫩，配埋個汁，酸中帶辣刺激又開胃
安格斯牛肋串 $24
牛肋肉帶少少脂肪，牛味濃郁又香，微微韌性有咬口，燒得岩岩好仲有肉汁。
金菇肥牛卷 $21
調味好正好惹味，肥牛嫩彈有油香，包著爽口金菇，好好味，一串唔夠喉。
鹽燒牛舌 $26
厚切有肉感，較有韌度好好咬，配啤酒一流。
西班牙黑毛豬肋串 $26
豬味會重d，口感扎實微彈，因為有少少肥肉位，少少爽彈好正。
羊肉串 $18
唔羶好食，係脂肪位有少少羶，羊味重，個人覺得味道岩岩好。
雞髀 $32
好大隻雞髀，所以燒得耐少少，香草同孜然嘅香味太吸引，雞皮脆卜卜，而且燒完唔油，雞髀肉估唔到咁嫩彈咁多肉汁，做得出色。
菠蘿 $16
燒得好靚仔，入口清甜多汁帶果香，食完串燒肉，食一口清清味蕾再食過。
牛油金針菇 $32
金針菇份量夠多堅抵食，牛油醬汁調得好，可以掛汁係金針菇上，味道又唔會過咸，有牛油香但又唔膩，必點之一。
韭菜 $14
香口唔會燒乾，入口咬落濕潤，配肉類食好更香。
黑松露什菇墨西哥薄餅 $44
超級正超多芝士，不但可以拉絲，仲勁香，滿滿松露同芝士香，墨西哥薄餅上下兩面都香脆，有好多什菇同芝士，味道好似食緊薄批pizza咁。
燒饅頭 $18
最後甜品食個燒饅頭，外脆內鬆軟，無炸饅頭咁油，燒饅頭沾煉奶又香又甜，食完唔膩。
我地無飲啤酒，但點左蜂蜜綠茶、竹庶茅根、津路烏龍茶，清爽清膩同飲品雪得夠凍。
飲品都幾抵，茶類及汽水都係 $12-$14，大支裝啤酒 $24-42，可以暢飲無壓力。
張貼
