燒肉駅 一人燒肉·丼飯

營業中

休息中

一人燒肉越開越多，估唔到可以殺出血路。呢間旺角燒肉一人餐都好經濟，不過最吸引應該係$138放題任食果個餐，唔追求上等靚肉，佢都有晒豬牛雞，岩晒食肉獸。90分鐘放是套餐有牛肩胛、牛五花、豬頸肉、豚五花、雞腿肉，加埋大大碗肉燥紫菜飯，面豉湯同埋泡菜，其實一人食晒唔多唔少都有飽肚感。肉既性價比係晒度，用靚肉比較無意思，始終呢個價真係時光倒流。肉燥紫菜飯都有驚喜，估唔到crossover都幾好食，加埋蛋就更加無得輸。A4和牛丼如果唔揀燒肉，呢度一樣有各種唔同既丼飯。豐富的賣相，牛肉滿滿，肉質嫩而多汁，加上蛋汁更香滑，配飯食最滿足。除咗丼飯同燒肉，佢地都仲有其他小食出品可以留意下。