5% Cafe (已結業)

今次去咗旺角「5% Cafe」，呢間cafe主打all-day brunch、意粉同輕食，裝修簡約舒適，有啲韓系cafe feel，坐低之後有種放鬆嘅感覺。今次叫咗雞扒窩夫漢堡、龍脷柳長通粉，再配美式咖啡同紅茶。

雞扒窩夫漢堡都幾特別，唔係普通包，而係用窩夫夾住塊雞扒，啲窩夫唔會過甜，帶少少蛋香，口感外脆內鬆軟，加埋煎得微焦嘅雞扒，啖啖肉汁，仲有少少蜜糖芥末醬調味，味道好好，係個創新嘅搭配！

龍脷柳長通粉嘅魚柳炸得幾香脆，唔油膩，肉質嫩滑，唔會粉粉地，通粉creamy，帶少少芝士味。

飲品方面，美式咖啡味道唔錯，唔會太酸，入口順滑，醒神一流。紅茶味道清淡，飲落舒服，搭配炸物會幾解膩。

整體嚟講，呢間cafe環境舒服，坐得幾chill，當中雞扒窩夫漢堡算係幾有特色，又有board game玩，啱晒一班人嚟！如果想搵間地方歎杯咖啡、輕鬆食個餐，呢間都可以考慮！

1

16

6