影片
更多
2023-12-04
721 瀏覽
今日又撞手神入左呢間油麻地既House 000 Bistro今次揀呢間餐廳有啲昏暗配埋好輕柔既音樂，超有情調～❤️我地叫左個set dinner 都食到好飽，每人$328。.一口牛舌芯有脆片裝住5粒好似骰仔咁大既牛舌芯第一次食切得咁細粒既牛舌芯牛舌芯係牛舌最軟滑既位置廚師手勢唔錯 即使切得咁細啲牛舌芯都煎得岩岩好👍🏻黑椒粒同煎蒜片既調味恰到好處牛舌芯同脆片一軟一脆口感味道層次都好豐富好夾😋.特選生蠔($50/2隻)愛爾蘭新鮮到貨生蠔唔算細隻 食落亦都好鮮甜唔覺腥亦都冇沙洗得幾乾淨👍🏻.魚乾(+$58)侍應話雞泡魚乾係由日本新鮮直送雞泡魚乾係飲酒必叫！魚乾上菜時都係暖暖地 烤得岩岩好 半柔軟半煙靭口感魚味好香濃 甜甜地配埋個沙律醬好開胃！.松露蘑菇湯 & 椰菜花海鮮湯兩款湯都好好飲😍分別有好濃郁既蘑菇同椰菜花味！而且啖啖都食到好多蘑菇/椰菜花碎🤤椰菜花海鮮湯比較難忘！因為第一次飲到咁甜而又咁濃椰菜花味既湯😋偏白色既多士都好特別 味道淡淡地似係小麥包 點湯食一流！.卡邦尼意粉齋睇個擺盤已經覺得好霸氣！佢既火腿、蘑菇、芝士碎灑滿麵條上🤩醬汁睇落好似唔咁多咁creamy但品嚐時都食到各款材料既味
今次揀呢間餐廳有啲昏暗
配埋好輕柔既音樂，超有情調～❤️
我地叫左個set dinner 都食到好飽，每人$328。
.
一口牛舌芯
8 瀏覽
0 讚好
0 留言
一口牛舌芯
有脆片裝住5粒好似骰仔咁大既牛舌芯
第一次食切得咁細粒既牛舌芯
牛舌芯係牛舌最軟滑既位置
廚師手勢唔錯
即使切得咁細啲牛舌芯都煎得岩岩好👍🏻
黑椒粒同煎蒜片既調味恰到好處
牛舌芯同脆片一軟一脆
口感味道層次都好豐富好夾😋
.
特選生蠔
$50
4 瀏覽
0 讚好
0 留言
特選生蠔($50/2隻)
愛爾蘭新鮮到貨
生蠔唔算細隻 食落亦都好鮮甜唔覺腥
亦都冇沙洗得幾乾淨👍🏻
.
魚乾
$58
4 瀏覽
0 讚好
0 留言
魚乾(+$58)
侍應話雞泡魚乾係由日本新鮮直送
雞泡魚乾係飲酒必叫！
魚乾上菜時都係暖暖地
烤
得岩岩好 半柔軟半煙靭口感
魚味好香濃 甜甜地配埋個沙律醬好開胃！
.
松露蘑菇湯
4 瀏覽
0 讚好
0 留言
椰菜花海鮮湯
3 瀏覽
0 讚好
0 留言
松露蘑菇湯 & 椰菜花海鮮湯
兩款湯都好好飲😍
分別有好濃郁既蘑菇同椰菜花味！
而且啖啖都食到好多蘑菇/椰菜花碎🤤
椰菜花海鮮湯比較難忘！
因為第一次飲到咁甜而又咁濃椰菜花味既湯😋
偏白色既多士都好特別 味道淡淡地似係小麥包 點湯食一流！
.
卡邦尼意粉
4 瀏覽
0 讚好
0 留言
卡邦尼意粉
齋睇個擺盤已經覺得好霸氣！
佢既火腿、蘑菇、芝士碎灑滿麵條上🤩
醬汁睇落好似唔咁多咁creamy
但品嚐時都食到各款材料既味道
濃濃既煙薰火腿同蛋黃味一樣出色！
.
精選牛扒配特色海鹽
5 瀏覽
0 讚好
0 留言
精選牛扒配特色海鹽
侍應上菜時都有簡介每款海鹽既特點同味道
亦提醒我地由淡至濃味去試
首先：夏威夷黑鹽，礦物味比較重，但整體鹽味偏淡
第二：日本櫻花鹽，小清新，有少少酸梅/提子既酸味
最後：塞浦路斯煙燻鹽，濃濃既煙燻味道，但同牛扒神奇地夾！
牛扒本身亦都煎得岩岩好五成熟
嫩滑得黎亦有濃郁既牛味 配埋特色鹽真係昇華到另一層次😋
.
是日甜品
3 瀏覽
0 讚好
0 留言
甜品：火龍果啫喱
新鮮火龍果製成既啫喱加埋火龍果肉
第一次食覺得好fresh!😋
啫喱唔算好重既火龍果味
但食得出佢既甜味👍🏻
仲有金箔同埋小鮮花點綴幾靚😆
餐飲：Dry Ginger Ale & Spicy Ginger Beer
總結：每道菜嘅質素都好好，價錢亦都唔算貴～係油麻地咁熱鬧既地方其實比較難搵到咁寧靜享受美食既地方！🥰
張貼
