影片
更多
2023-05-19
66 瀏覽
睇大島與龍威介紹過呢間日式燒肉店，成日行過都見到唔少人排緊隊，今日咁啱冇乜人就入去試下🥰餐廳裝修好有日本風，仲會一路播住日文歌，真係好似飛咗轉日本咁！▫️801盛double ($388) 4/5包括兩塊黑毛和牛肩胛肉、腹前牛小排同蔥鹽味雞腿肉🍗大大塊黑毛和牛會配生蛋汁，大火輕燒一下再點生蛋汁一齊食。肩胛肉唔算肉味香濃嘅部位，但勝在夠淋肉質軟熟，點埋蛋汁入口更嫩滑惹味，超推薦💯牛小排肉味香濃，燒完都唔會太乾，切得幾厚，燒嗰陣要留意時間。雞腿肉就夠曬嫩滑多汁，可以按喜好加蔥一齊燒。▫️806牛舌盛single ($98) 3/5牛舌有鹽味同醬油味，兩款都醃得好入味，反而有啲冚咗牛味，個人覺得調味太鹹，但食落幾彈牙爽口。▫️808 臟盛single ($118) 4/5包括辛辣味噌牛腸、醬油和豚胸腹肉同九州雞心。牛腸超肥美，辣辣地好惹味，但煮到有啲韌，比較難咬開。和豚份量幾多，豬肉味濃郁。雞心好爽口，香口得嚟唔會有內臟嘅腥味🤤餐廳位置方便，價錢都唔算貴，略嫌牛舌調味有啲重。見到網上有人話午市套餐幾抵食，有機會嘅話午市再嚟食過！Overall rating (5粒⭐️為滿分)味道：⭐️⭐️⭐️⭐️服務：⭐️⭐️
▫️801盛double ($388) 4/5
包括兩塊黑毛和牛肩胛肉、腹前牛小排同蔥鹽味雞腿肉🍗大大塊黑毛和牛會配生蛋汁，大火輕燒一下再點生蛋汁一齊食。肩胛肉唔算肉味香濃嘅部位，但勝在夠淋肉質軟熟，點埋蛋汁入口更嫩滑惹味，超推薦💯牛小排肉味香濃，燒完都唔會太乾，切得幾厚，燒嗰陣要留意時間。雞腿肉就夠曬嫩滑多汁，可以按喜好加蔥一齊燒。
▫️806牛舌盛single ($98) 3/5
牛舌有鹽味同醬油味，兩款都醃得好入味，反而有啲冚咗牛味，個人覺得調味太鹹，但食落幾彈牙爽口。
▫️808 臟盛single ($118) 4/5
包括辛辣味噌牛腸、醬油和豚胸腹肉同九州雞心。牛腸超肥美，辣辣地好惹味，但煮到有啲韌，比較難咬開。和豚份量幾多，豬肉味濃郁。雞心好爽口，香口得嚟唔會有內臟嘅腥味🤤
餐廳位置方便，價錢都唔算貴，略嫌牛舌調味有啲重。見到網上有人話午市套餐幾抵食，有機會嘅話午市再嚟食過！
Overall rating (5粒⭐️為滿分)
味道：⭐️⭐️⭐️⭐️
服務：⭐️⭐️⭐️⭐️
環境：⭐️⭐️⭐️⭐️
性價比：⭐️⭐️⭐️⭐️
✨想睇更多食評就記得follow - hk_holidaydiary
張貼
