亞金叻沙 (鯉魚門廣場) (已結業)

其實我响開返晚市嘅年初七第一日，就已經嚟食過一次晚餐，食咗喇沙，水魷魚通菜，都覺得幾好味，不過嗰日冇影相。今日再嚟試吓佢嘅早餐。其實選擇唔算多，亦都冇馬拉招牌早餐果種鮮油/咖央多士配半生雞蛋🥚但係佢有我鍾意食嘅香茅豬扒，同埋鮮油餐包點咗個E餐，豬扒米線，火腿煎蛋，鮮油餐包，仲有一杯檸檬薏米水，才$35 ，抵食。一定要讚嘅當然係牛油，真牛油比起植物牛油/馬芝連真係好食好多，佢個餐包嚟到嘅時候係暖嘅，軟淋淋。香茅豬扒份量雖然唔多，但係味道真心唔錯，唔會食到過分嘅鬆肉粉，米線就麻麻哋，可能食米粉會好啲。火腿同煎蛋唔會個底一層油。檸檬薏米水就有少少杰杰地，感覺係好足料，夠薏米 ，裏面有一件糖冬瓜，唔會過甜。呢個早餐$35好滿意。