皇室冰廳 (已結業)

食早餐真係每一日唔少得嘅環節之一，我自己平時就算夜晚食少啲都好，都一定會食早餐！講到食早餐，香港風味嘅茶餐廳就真係最好不過😊所以今次就嚟咗呢一間係長沙灣嘅皇室冰廳！試吓呢一度嘅招牌早餐先得😎一定要叫嘅就梗係呢一個真。蕃茄濃湯特餐，呢一個蕃茄濃湯真係好好食，顧名思義真係用真蕃茄去做！所以成個蕃茄湯底亦都非常濃郁，連埋啲通心粉一齊食，非常滿足嘅蕃茄湯味道！如果鍾意食蕃茄製品嘅，一定要試吓！另外既雞扒公仔麵亦都好好食，呢度嘅雞扒好香，煎得啱啱好！而且呢度嘅雞扒都好多汁好Juicy