影片
更多
2017-03-02
3634 瀏覽
平日放假, 扮下乖仔, 朝早同爸爸媽媽去飲早茶, 揀左去卓爾居間海港。 平日都好多人去飲茶, 多數係公公婆婆去嘆一盅兩件, 不過等左陣就有位。茶芥$8/位, 之後搵阿姐加水都幾難下。有個早茶孖寶6揀2, 都係$18.8, 好抵食。 柴魚花生豬骨粥 - 粥煲得都幾綿滑, 有幾粒花生同一舊仔豬骨, 鹹鹹地味道都可以, 呢個價錢算係咁。粟米雞絲腸 - 腸粉皮就厚左d, 不過都幾滑下, 入面d雞絲少到唔多覺, 粟米就有幾粒, 好過齋腸小小。排骨鳳爪飯 - 有幾粒排骨同一隻鳳爪, 雖然個碗淺淺地, 食落飯既份量都唔少, 早餐夠晒飽肚。鮮竹牛肉球 - 一籠有3粒, 牛肉都算幾彈牙, 淋左喼汁實好食。另外仲叫左幾碟點心 XO醬炒蘿蔔糕$17.8 - XO醬都幾辣幾惹味, 蘿蔔糕比較腍身, 夾起有d散, 味道搭救番。蠔汁叉燒包 $15.8 - 一籠3個, 叉燒餡都算幾多又唔肥, 包都幾鬆軟, 岩岩蒸起熱辣辣, 都幾唔錯。珍珠雞 $23.8 - 一籠2個, 料都幾足下, 味道就不過不失。早茶埋單平均每人都係$35, 都算係幾抵, 服務同食物質素未算係好好, 以價錢取勝。
茶芥$8/位, 之後搵阿姐加水都幾難下。
有個早茶孖寶6揀2, 都係$18.8, 好抵食。
柴魚花生豬骨粥 - 粥煲得都幾綿滑, 有幾粒花生同一舊仔豬骨, 鹹鹹地味道都可以, 呢個價錢算係咁。
粟米雞絲腸 - 腸粉皮就厚左d, 不過都幾滑下, 入面d雞絲少到唔多覺, 粟米就有幾粒, 好過齋腸小小。
排骨鳳爪飯 - 有幾粒排骨同一隻鳳爪, 雖然個碗淺淺地, 食落飯既份量都唔少, 早餐夠晒飽肚。
鮮竹牛肉球 - 一籠有3粒, 牛肉都算幾彈牙, 淋左喼汁實好食。
另外仲叫左幾碟點心 XO醬炒蘿蔔糕$17.8 - XO醬都幾辣幾惹味, 蘿蔔糕比較腍身, 夾起有d散, 味道搭救番。
蠔汁叉燒包 $15.8 - 一籠3個, 叉燒餡都算幾多又唔肥, 包都幾鬆軟, 岩岩蒸起熱辣辣, 都幾唔錯。
珍珠雞 $23.8 - 一籠2個, 料都幾足下, 味道就不過不失。
早茶埋單平均每人都係$35, 都算係幾抵, 服務同食物質素未算係好好, 以價錢取勝。
張貼
