民華餐廳

營業中

休息中

其實我成日行魚街見佢都開咗一段日子都無試，咁啱今日買魚糧餓餓地又見有位入去食啲嘢。坐底見檯上餐單有常餐同中餐兩種，中餐係啲點心加杯茶，常餐係麵餐通粉加火腿炒蛋加杯茶個種，都係一茶記個啲餐差不多，不過呢到只有餐叫就無其它茶餐廳飯食之類，全日都係呢幾種餐只係早餐時間收平啲其它時間收貴幾蚊。講番食物質素炒蛋係我覺得做得最好嘅因為軟滑有蛋香有蛋味Good，厚身多士OK脆口，火腿食落新鮮有啲似用金妹，麵軟硬剛好個湯底做得唔錯，我食嘅薑絲牛肉硬咗DD不過啲牛肉無死實嘅感覺。杯凍O茶係我最滿意夠清唔太甜Good。