令和鍋物酒場

營業中

休息中

一入到去，就見到成間餐廳都係日本燈籠同旗幟，感覺好似去咗日本咁，氣氛一流，真係幾有Feel。嗰晚我哋叫咗個「令和二人前」套餐，真係超滿足。首先講壽喜燒鍋，個湯底甜甜地好香，野菜豆腐盤啲菜都好新鮮，豆腐滑滑嘅，配埋A4肩胛和牛，入口即溶，真係唔使咬。富士山火焰脆脆薯仔沙律，賣相靚到爆，味道仲好有層次，薯仔脆卜卜，火焰效果真係好玩。三品刺身盛合啲魚生新鮮到不得了，每一啖都好鮮甜。A4和牛海膽反卷係我哋嘅最愛，和牛油香配上海膽鮮甜，簡直係天堂嘅味道。芝麻雞翼外脆內嫩，芝麻香氣撲鼻，燒芝士年糕口感煙韌，芝士濃郁，真係完美結尾。飲品方面，我哋揀咗「草食系男子」同「粉紅草莓菠菠」。草食系男子有芫茜同薄荷葉，飲落去好清新，係消暑解渴。粉紅草莓菠菠賣相繽紛，味道清爽，女仔一定鍾意。P.S.最近做緊瓶裝酒半價優惠!抵到爛！鐘意飲既，真係一定要來。