牛繁 (海之戀商場)

營業中

休息中

成日去開海之戀都睇到呢間「牛繁」，一早收到風佢係日式燒肉連鎖餐廳，呢幾日終於試完要同各位「包膠」一下🤩環境好舒服，全得都唔迫，空間感大，店員有禮貌，我哋一坐低就物色下邊啲午市套餐… 好快手揀左兩個心水😎🐮 薄切牛胸花套餐：薄身的牛略燒10秒，已經香味撲鼻，肉質軟身淋身、嫩滑。秘製燒汁味道好夾啲牛，果然係店舖推薦👍🏼🐮特選3牛套餐：同樣地有薄切牛胸花，特選薄切肩胛片，薄切牛舌。呢款我地揀左鹽醬，鹽味更能突出牛的鮮味，肩胛肉質嫩滑，
比起一般肥牛脂肪含量較低，牛味濃郁。薄切牛舌輕輕一咬就可咬開😍好嫩滑呀👍🏼🐮 提提你地，套餐跟埋白飯，湯，前菜同飲品，仲可以按個人口味升級改飯既款式同飲品款式喔！