影片
更多
2019-03-06
768 瀏覽
星期日傍晚去完君滙港搵個朋友,就喺附近揾食. 朋友話HSBC隔離條博文街有好多餐廳,而我哋去到見到呢間小小拉麵店(只有10個位)但有8個人排隊,心諗: 應該唔錯喎~ 於是就決定食呢間,結果排咗25分鐘...門口嗰位侍應姐姐好親切有禮,把聲仲好好聽,知道我哋第一次幫襯就好詳細咁講解點填張落單紙. 𠵱家喺香港真係好少遇到咁有heart嘅侍應~ 入到店內,雖然好細,但裝飾得好明亮丶乾淨丶舒適. 每個角落都有和風可愛小擺設. 原來師傅係日本人,仲要高大靚仔 店內除咗免費提供凍麥茶,仲可以自選其他飲品如果驚食麵時整污糟衫或頭髮,可以問店員拎圍巾丶束髪用橡筋喔~我哋點咗白丸拉麵(幼麵)丶黑丸拉麵(粗麵)丶原味餃子丶関西餃子不論幼麵或粗麵,都好有咬口白丸湯底(鹽豚肉湯由喜瑪拉雅山鹽丶沖繩鹽丶意大利鹽混合調配),咸度啱啱好~ 黑丸湯底(醬油豚骨湯由熊本產熟成醬油＋日本產乾貝等海味製成),比白丸香濃,更有餘韻 豚肉鮮甜,無臭豬味;糖心蛋都整得出色另一主角就係餃子!! 餃子皮薄,脆得嚟唔硬唔𠝹口,餡料清爽細緻,完全唔油膩,隻碟無油㗎! 原味餃子配餃子汁之餘,仲有山椒鹽,真係有喺日本食餃子嘅感覺!! 関西餃
門口嗰位侍應姐姐好親切有禮,把聲仲好好聽,知道我哋第一次幫襯就好詳細咁講解點填張落單紙. 𠵱家喺香港真係好少遇到咁有heart嘅侍應~
入到店內,雖然好細,但裝飾得好明亮丶乾淨丶舒適. 每個角落都有和風可愛小擺設. 原來師傅係日本人,仲要高大靚仔
店內除咗免費提供凍麥茶,仲可以自選其他飲品
如果驚食麵時整污糟衫或頭髮,可以問店員拎圍巾丶束髪用橡筋喔~
我哋點咗白丸拉麵(幼麵)丶黑丸拉麵(粗麵)丶原味餃子丶関西餃子
不論幼麵或粗麵,都好有咬口
白丸湯底(鹽豚肉湯由喜瑪拉雅山鹽丶沖繩鹽丶意大利鹽混合調配),咸度啱啱好~
白丸拉麵
63 瀏覽
0 讚好
0 留言
黑丸湯底(醬油豚骨湯由熊本產熟成醬油＋日本產乾貝等海味製成),比白丸香濃,更有餘韻
黑丸拉麵
50 瀏覽
0 讚好
0 留言
豚肉鮮甜,無臭豬味;糖心蛋都整得出色
另一主角就係餃子!! 餃子皮薄,脆得嚟唔硬唔𠝹口,餡料清爽細緻,完全唔油膩,隻碟無油㗎!
原味餃子
20 瀏覽
0 讚好
0 留言
原味餃子配餃子汁之餘,仲有山椒鹽,真係有喺日本食餃子嘅感覺!!
関西餃子
20 瀏覽
0 讚好
0 留言
関西餃子由於配上木魚片丶沙律醬,食落反而比原味清新~
估唔到唔洗去日本都可以用呢個價錢感受到純正日本風味~
值得一提,此店強調無味精.以我對味精咁敏感嘅人,食完都完全無口渴丶眼瞓嘅感覺~ 果然真．NO MSG
張貼
