金子半之助 (新都會廣場) (已結業)

金子半自助狹着連續七年日本全國天丼金賞美譽，成為過江龍，進駐香港兩年幾時間，朋友推介下特意一試。葵芳分店環境新淨、光猛，店舖面積唔算大，主要係二人和四人座位，但枱與枱之間有一定空間，櫈下提供箱子俾人放手袋。餐廳提供嘅套餐種類大概8款，包括期間限定車海老軟殼蟹天丼。QR code落單後，侍應好快就奉上一個長木盒，入面盛載住蔥花、海藻、鰹魚花、天婦羅碎等配料，食客可以自由添加。➺➺➺江户前天丼$138穴子、海老、小柱魷魚天婦羅餅、海苔、溫泉蛋、莢豌豆，視覺上好豐富，穴子長達30厘米，外型好驚喜。趁熱食先有最佳口感，天婦羅衣都薄同鬆化，入面食物保持到水份。個飯係珍珠米，加入左秘製醬油，甜甜地，食到一半戳穿溫泉蛋一齊食，更好味！➺➺➺迷你天丼&稻庭烏冬（溫）$118稻庭烏冬一啲都唔迷你，麵質彈牙，湯底淡淡甜味，整體味道幾配合。迷你天丼基本配料外，多咗菇菌同南瓜！最後一連飲咗幾杯有溫度、味道甘甘地嘅黑豆茶（免費），暖笠笠飲落去好舒服，原來黑豆有好多食療功效！***加一服務收費