One & A Half (已結業)

收工個陣有股想食日式西餐既衝動，睇下附近有咩選擇，見到One & A Half新開張無耐，決定試下味道如何。閒日有weekday套餐，我同老婆一人叫左個，老婆叫左Weekday Dinner Set Menu，有日式前菜，沙律，味噌湯，茶碗蒸，主菜係博多明太子忌廉扁意粉配軟殼蟹天婦羅。配菜款式多多，睇到人眼花撩亂，明太子意粉滿滿忌廉同明太子，口感creamy，軟殼蟹原隻奉上，份量十足。我叫左Weekday Dinner Bento Menu，有前菜，沙律，味噌湯，茶碗蒸，日式燴牛肉配白飯。前菜都有八款可供選擇，我揀左月見燒雞肉棒，雞肉棒沾上蛋黃混合甜醬油來食，燴牛肉口感唔會柴口，調味十足，配白飯食剛剛好。