La Serene Caffè

營業中

休息中

個日同朋友係SOGO行完街就走左去11樓間日式西餐食下野休息下。我地2個吾係太大食就無叫SET餐，淨單點左2個MAIN。煎澳洲黑安格斯牛肉眼扒配燒汁 $258肉眼扒出面煎得十分香，都煎到剛好5成熟度，肉味香，無咩渣，而且牛扒既肉質都是很好很嫩。呢個價錢食到呢個，而配菜薯仔都幾出色，吾係HEA你就咁擺係到當配菜。紅蝦膏鮮蝦意粉$168呢個意粉值得一讚，蝦膏味勁重，好正，配埋個意粉好香，意粉既質地彈牙。仲有4隻拆左肉既蝦，大大隻。蝦食落去係爽口既，一定唔係死蝦。意粉煮到岩岩好，到彈牙，食落唔會太油利，好值得一試。飲品就叫左杯炭燒咖啡，咖啡豆未好香，我自己中意偏苦我咖啡，呢杯完成做到我心水。