焱丸水產 (已結業)

想起好耐無同朋友去食日本野，便相約今晚一齊去食焱丸水產。餐廳位於銅鑼灣鵝頸橋附近，方便易搵。門口裝修已經富有日式風格，檯同椅係用木的，坐得舒適寬落，牆上貼多種日本文化的圖案。左口魚刺身，$158, 薄切幼身，晶瑩剔透，魚肉嫩滑，咬落彈牙有質感，魚香味鮮甜，點上醋汁食味道好夾。炸蓮藕片，$35, 即炸熱辣辣，香脆可口，蓮藕香甜多汁，係送酒的一流小食。燒芝士魚蛋，職員會貼心在旁幫忙燒好，彈牙的魚蛋夾住熱溶的芝士，燒得剛好熟，香氣散發，芝士味道濃郁，滑溜美味。烏賊磯燒，$75, 整條大隻新鮮，肉質彈牙爽口，燒汁惹味，滲入魷魚當中。蠔鍋飯，$88,用熱石鍋煮的米飯，有新鮮生蠔，青椒同黃椒等，飯粒煙韌軟熟，生蠔味道鮮甜。炒野菜，$52, 爽脆鮮甜，多汁而惹味。梅酒，$48, 食日本野當然要點一杯梅酒加冰，冰凍可口，梅味香濃，酒味香醇。