影片
更多
2022-08-12
2432 瀏覽
餐廳：燒魂 (尖沙咀)地址：尖沙咀漆咸道南57-59號金馬倫中心2樓尖沙咀呢間開咗十三年嘅日式燒肉放題店——燒魂 @gutssoul_hk 咁多年都喺深受香港人歡迎🎉，星期一至四晚市6-8pm做緊$308加一，有多款燒肉、沙律🥗、壽司卷物🍣、刺身、唐揚揚物🍤、一品料理、食事比你選擇，仲可以任飲汽水、罐裝飲品同清酒🍶，Like埋社交平台 Page仲有Mövenpick雪糕送添🍨行入餐廳見到有一幅裝滿唔同Figures、清酒、日式飲品嘅裝飾牆，餐廳都幾寬躺，有唔少舒適嘅卡位同大枱，兩個人嚟密密斟，或者一大班人嚟圍威喂都咁啱😌，值得留意店員嘅制服仲好有香港特色🇭🇰，喺到就賣個關子等你自己去發掘吓🤪✝️沙律順住點紙叫咗唔同嘢食，先嚟咗幾份沙律🥗，細細兜啱晒可以試到唔同款式，一定要試嘅緊喺泰式生蝦🦐，佢哋嘅泰式辣醬真喺夠晒酸辣惹味🌶，喺食得辣先好試啊😎✝️壽司壽司叫咗七味燒三文壽司、忌廉芝士鰻魚壽司、火炙醬燒蟹棒壽司、松露醬大蝦壽司、花之戀壽司同鯛魚壽司🍣，雖然舊飯就有啲暖而且食落有啲黏黏嘅感覺，不過佢哋嘅火炙壽司確實幾出色。特別鍾意七味燒三文壽司，將三文魚輕輕炙燒過加上七味粉同香蔥，炙燒香加上微辣
地址：尖沙咀漆咸道南57-59號金馬倫中心2樓
尖沙咀呢間開咗十三年嘅日式燒肉放題店——燒魂 @gutssoul_hk 咁多年都喺深受香港人歡迎🎉，星期一至四晚市6-8pm做緊$308加一，有多款燒肉、沙律🥗、壽司卷物🍣、刺身、唐揚揚物🍤、一品料理、食事比你選擇，仲可以任飲汽水、罐裝飲品同清酒🍶，Like埋社交平台 Page仲有Mövenpick雪糕送添🍨
行入餐廳見到有一幅裝滿唔同Figures、清酒、日式飲品嘅裝飾牆，餐廳都幾寬躺，有唔少舒適嘅卡位同大枱，兩個人嚟密密斟，或者一大班人嚟圍威喂都咁啱😌，值得留意店員嘅制服仲好有香港特色🇭🇰，喺到就賣個關子等你自己去發掘吓🤪
✝️沙律
順住點紙叫咗唔同嘢食，先嚟咗幾份沙律🥗，細細兜啱晒可以試到唔同款式，一定要試嘅緊喺泰式生蝦🦐，佢哋嘅泰式辣醬真喺夠晒酸辣惹味🌶，喺食得辣先好試啊😎
✝️壽司
壽司叫咗七味燒三文壽司、忌廉芝士鰻魚壽司、火炙醬燒蟹棒壽司、松露醬大蝦壽司、花之戀壽司同鯛魚壽司🍣，雖然舊飯就有啲暖而且食落有啲黏黏嘅感覺，不過佢哋嘅火炙壽司確實幾出色。
特別鍾意七味燒三文壽司，將三文魚輕輕炙燒過加上七味粉同香蔥，炙燒香加上微辣口感令普通嘅三文魚都變得味道層次豐富🤩
✝️刺身
送上刺身盤，有原隻甜蝦🦐、馬刀貝、深海八爪魚🐙、希靈魚、吞拿魚、鮑片同三文魚，整體都幾鮮美，唔會有雪藏味，馬刀貝、鮑片同八爪魚充滿甘甜肉汁，唯獨吞拿魚肉質較散稍微遜色咗少少🤏
✝️穀飼鳥雞
燒魂自家醃製嘅肉類大獲好評，孜然雞中翼同辛辣黑椒雞腿肉燒香後肉質仍然嫩滑，單骨雞翼食落有陣陣孜然香，又有邊個抵擋得住🤤
✝️惹火豚后
奥斯卡豚后肉同蜜運豚后肉比較多脂肪，雖然有啲肥膩但豚脂香味令人食唔停口，如果配埋生菜食應該會好好多🥬；血池赤豚小排爽軟帶有泡菜辣香，有滿滿嘅韓式風味🇰🇷
✝️騷肌牛皇
香蔥薄牛舌、壺漬牛粒、騷騷牛裡肌、黑毛飛霜空降和牛同汁燒安格斯骰仔粒，咁多款你又會揀邊款呢🤓？
比我就緊喺一樣都唔放過。黑毛飛霜空降和牛嘅雪花紋理好靚入口即溶，騷騷牛裡肌就相對牛肉味香濃有咬口，
仲有好受大家歡迎嘅壺潰牛粒，充滿燒肉汁濃香，一咬多汁💦，最重要記得唔好燒到過咗龍啊🤣
✝️一品料理
蒜爆通菜用咗啫啫煲整法，上到枱打開蓋仲喺「滋滋」聲，濃煙同啲醬汁繼續熱到彈起🔥，未食已經聞到令人垂涎三尺嘅蒜香🧄，非常惹味
✝️食事
最後叫咗個卜卜煮大蜆同石鍋香茜蠔仔粥，
個蜆煲用咗好多辣椒同胡椒去整個湯底，辛香過癮，仲有腍得嚟吸晒湯底精華嘅白蘿蔔；
蠔仔粥加咗紅蘿蔔、瑤柱、蘑菇🍄、芫荽去煲，蠔仔嘅份量都唔少🦪，粥底食落幾綿，值得一試張貼
