八幡屋涮涮鍋 (已結業)

見到八幡屋涮涮鍋做緊半價放題套餐，響旺角瓊華中心12樓地點行完街上去食好方便，餐廳入面空間感十足，坐位寬敞，坐得舒適，難得食肉獸出黎相聚揀左D4日本黑毛和牛套餐任食4小時，包括任飲清酒、梅酒、Asahi啤酒連Haagen Dazs 杯裝雪糕都係任食，電話scan QR code落單，選擇夠多，最正全晚冇漏單😋 ❣️主打必食黑毛和牛，含豐富鮮味胺基酸，口感柔軟，入口即溶，真係好正、另外安格斯牛肩胛都係送酒之選🥰 ❣️生蠔都係任食非常鮮甜肥美， 刺身有赤蝦、 珍寶帶子、希靈魚、三文魚、榮螺等十多款刺身食材。我地揀左豬骨湯底，海鮮仲有蜆、鮮蝦、青口和扇貝等 非常鮮味 ❣️熟食有天婦羅炸蝦、鹽燒海蝦、金菇肥牛卷、網絲春卷、燒菠蘿、鹽燒多春魚、炸饅頭、紫薯仔、燒雞中翼、燒魚頭、咖哩魚旦等多種選擇😃 ❣️自助吧~除左涼拌前菜螺肉、中華沙律、青瓜外，仲有多款打邊爐食材包括水魷、特色丸了芝士丸、蟹子和龍蝦丸、粟米、菇菌類、公仔麵、蔬菜同甜品糕點等，成晚未停過口，上菜速度快，員工有禮，食物用材新鮮，最後食埋Haagen Dazs 雪糕飽晒🥰