一橋拉麵 (新利大廈)

營業中

休息中

星期五晚仲要OT，想搵個地方返去食晚餐，又唔想咁頹食快餐店，原來中環最近開咗一間好抵食嘅日式麵店。中環真係好多拉麵，撈麵好似少見好多，呢度就主打撈麵，簡單清晰。我揀左個一橋油麵大盛$49.9咋！嚟到之後按照枱面嘅指示，落一圈香油，兩圈醋。跟住撈埋就食得啦！因為有醋嘅關係食落去個感覺好清新，同平時食拉麵偏鹹嘅感覺非常唔同，算係一個幾refreshing既感覺，又一啲油膩既感覺都無。另外點左個中華燒賣Combo $19.9，因為真係好少見日式麵店有中式燒賣～combo分別有麻辣豚肉燒賣、海老豚肉燒賣、醬油糯米燒賣，識落係豐富嘅肉感，唔係得麵粉。另外點左零系可樂 $8.9。呢度座位雖然唔算多，但turnover都算幾快啊，星期五晚都唔會話要等好耐。