神山麺屋 (合和中心二期)

營業中

休息中

星期五去灣仔剪頭髮，剪完去新商場行吓，順便食個飯，做一個孤獨的美食家。神山拉麵係一間連鎖的拉麵店，好耐之前我都有幫襯過另一間位於觀塘APM的分店。感覺上無以前咁出色。………………………………………………神山豚角沾汁麵 ⭐️⭐️⭐️⭐️麵質係偏粗個種，正啱我口味。沾麵汁都唔錯，但係感覺上無以前咁濃郁，溫度都可以熱一點。而豚角煮有兩件，一件就比較肥美，肉質好軟林好入味，用火槍燒一燒有燶邊效果，好味。不過另一件肉質就比較柴，可能係部分問題啦。配菜有荀、蔥同溏心蛋，正常發揮。$90 拉麵嚟講都算性價比高！神山手造餃子 ⭐️⭐️⭐️即叫即做，送到嘅時候熱辣辣，餡料同餃子汁都唔錯，可惜餃子煎得有點燶，但係又唔脆，所以口感麻麻。………………………………………………拉麵店的地方唔算好大，不過商場人流唔算多，所以星期五晚上都唔難搵位。店員有禮貌，同一般日式拉麵店唔同，神山麵屋有收加一服務費。