大宮 (已結業)

放工成日都諗唔到有啲咩想食，所以通常都會嚟APM度揀嘢食！成日都經過呢一間餐廳，而且佢啲選擇都比較日式嘅，合我嘅口味！我自己就嗌咗個豬扒滑蛋飯，$60左右來講個滑蛋都算好好食，而且仲有入晒味嘅洋蔥，又唔會好咸。豬扒都幾大塊，個炸皮亦都啱啱好，唔會好厚。自己就加埋呢一個餃子，餃子食落口好脆身，但都唔會好油。 我朋友就嗌左個雞扒烏冬，偷咗一啖佢嚟食，個烏冬口感幾彈牙，湯嘅味道一般，都唔會好重味精味。雞扒都好大塊，仲有粟米椰菜嘅配菜，都算好多嘢食！仲可以加$12 嗌2舊炸雞，炸雞上配有沙律醬，$12來講都唔算貴。仲有碗麵豉湯都幾好，入邊有啲海苔。