MR. MAKI (金巴利大廈)

營業中

休息中

疫情下晚市啲餐廳又唔開，如果懶得煮嘅話，就只有成日買外賣返屋企食啦。好少見到香港有做外賣日式卷物，呢間好似好出名咁，睇到啲好評都幾多，行得遠少少都照去😋魚全部都係魚足料得不行，入邊有齊晒吞拿魚三文魚，佢有角切亦都有吞拿魚蓉，再加埋天婦羅脆脆，成個口感好豐富。好surprise 一個卷物可以做得咁出色。另一個揀咗簡單啲嘅炸蝦芝士，個炸蝦唔會炸到好油，中間夾既係cream cheese，酸酸地咁，食多幾舊都得。佢加錢仲可以跟餐，我就首先揀咗一個炸雞，上面淋上啲蜜糖芥末醬，入邊舊雞肉質幾juicy， 四大舊同人share 岩岩好。平時食得薯條多，今次試吓蕃薯條，甜度較高，連茄汁都唔使點都夠，炸得好香脆，有種外脆內軟既感覺。試過今次之後真心覺得呢間野係可以再encore，佢哋啲卷物有好多唔同種類我都好有興趣試。