御品·千之味 (Eastmark)

營業中

休息中

喺德福睇完戲餓餓地，醒起同事講過附近開咗間千之味，行幾步過去買外賣返屋企食先。套餐加八蚊就有一份沙律同小食，沙律菜好新鮮爽口，螺肉都幾好咬口。雖然套餐名寫住「迷你」，但個飯份量其實都唔少。角切魚生飯有6至7款唔同嘅配料切粒，口感有軟有硬好豐富。三文魚海膽丼嘅三文魚份量好多啖啖肉，海膽唔腥好鮮甜好好食。跟餐嘅刺身都有4款，件件都好新鮮好肥美。壽司有兩set可以揀，每一件都唔同口味，個人比較鍾意火炙嗰set。另外加咗廿蚊有三隻辣味雞翼，味道辣辣地好香口好juicy。跟餐嘅飲品可以揀比較少見嘅無糖可樂。