浮生 (已結業)

午餐 • 2人無得去日本嘅關係，所以最近成日試唔同嘅日本餐廳，希望可以尋找到日本嘅味道。呢間cafe環境幾好，木色白色嘅簡約風格，入到去已經有悠閒嘅感覺。食物嘅種類唔算多，但定食嘅配搭選擇唔少，所以都唔錯，不過飲品唔包，野飲要另外嗌。定食 ($78)明太子鮭魚飯團+鹽飯團+關東煮+芝麻茄子+鹽味枝豆份量唔多，幾適合細食嘅人，不過整體味道一般。茄子個汁有d酸，枝豆唔係好覺有鹽，但關東煮嘅味道唔錯。定食 （$78）明太子鮭魚飯團+鹽飯團+關東煮+溏心蛋+骨附腸香橙黑朱古力 ($58)有橙味嘅朱古力，但無香濃嘅味道，感覺似係普通嘅朱古力飲品。鮮奶抹茶 （$48)好淡嘅抺茶味，有啲似沖粉嘅味道總括嚟講，餐廳嘅環境幾好，服務唔錯，可惜食物一般，飲品仲有好大嘅改善空間，試一次就夠了。