影片
更多
2020-11-18
365 瀏覽
❀ Slash #深水埗 ❀❗️日咖啡夜酒吧 欣賞sourdough酸味出色❗️——————————————————剛開業約一個月，又一間喺深水埗日夜唔同概念嘅Cafe🌝🌚係大角咀brew job嘅姊妹店。朝早專賣咖啡等Cafe食品，運用來自 roastwork嘅咖啡豆。夜晚搖身一變成為酒吧。星期六下午嚟到，大致滿座，但未去到大排長龍。今次品嚐嘅食物大致上味道都唔錯，欣賞sourdough有啲創新嘅款式，可再次回頭✨。.Cafe採取rustic嘅裝修，大膽用上金色、綠色做對比，地磚用上不規則嘅斑紋，又係一打卡熱點📸環境唔算好大，主要有張長枱，同埋側邊依靠牆壁嘅長凳，坐得就未算太舒服🙈但巧妙用咗高樓底，令到Cafe感覺唔會太逼夾。.✷𝑀𝑒𝓃𝓊✷☞ Crazy Purple💜$90得一塊sourdough，不過都有成兩寸厚，有先翻熱，微溫呈上，麵包外邊微脆，內裏組織略鬆散，如果韌啲會更加佳，不過酸味真係好重👍🏻！主要用上紅菜頭，配埋鮮艷嘅車厘茄同埋石榴粒，呈現出crazy purple嘅奪目顏色。加咗cream cheese、蜜糖同埋醋調味，整體味道唔錯，消除左紅菜頭嗰浸草青味😚！食完呢款之後
❗️日咖啡夜酒吧 欣賞sourdough酸味出色❗️
——————————————————
剛開業約一個月，又一間喺深水埗日夜唔同概念嘅Cafe🌝🌚係大角咀brew job嘅姊妹店。朝早專賣咖啡等Cafe食品，運用來自 roastwork嘅咖啡豆。夜晚搖身一變成為酒吧。星期六下午嚟到，大致滿座，但未去到大排長龍。今次品嚐嘅食物大致上味道都唔錯，欣賞sourdough有啲創新嘅款式，可再次回頭✨。
.
Cafe採取rustic嘅裝修，大膽用上金色、綠色做對比，地磚用上不規則嘅斑紋，又係一打卡熱點📸環境唔算好大，主要有張長枱，同埋側邊依靠牆壁嘅長凳，坐得就未算太舒服🙈但巧妙用咗高樓底，令到Cafe感覺唔會太逼夾。
.
✷𝑀𝑒𝓃𝓊✷
☞ Crazy Purple💜$90
得一塊sourdough，不過都有成兩寸厚，有先翻熱，微溫呈上，麵包外邊微脆，內裏組織略鬆散，如果韌啲會更加佳，不過酸味真係好重👍🏻！
主要用上紅菜頭，配埋鮮艷嘅車厘茄同埋石榴粒，呈現出crazy purple嘅奪目顏色。
加咗cream cheese、蜜糖同埋醋調味，整體味道唔錯，消除左紅菜頭嗰浸草青味😚！
食完呢款之後，有興趣想試埋佢哋另一特色cinanomon apple crumble，亦有唔少人推薦。
不過佢哋嘅sourdough等候時間都幾耐，要耐心等候，亦略嫌定價有少少高。
味道: 4.1/5 性價比: 3.4/5
Crazy Purple
$90
49 瀏覽
0 讚好
0 留言
.
☞ Basque Cheesecake🍰$50
好多人大讚佢哋嘅巴斯克芝士蛋糕，只有原味，冇display出嚟，記住問下店員有冇‼️。
蛋糕會見到一粒粒雲呢拿籽，唔係用雲呢拿精油。
質感啱啱好，未至於流心，但內裏軟心☺️。
用上日本雞蛋，芝士味亦都非常突出，有種new york cheesecake 嘅芝士酸味，幾唔錯。
味道: 4.2/5 性價比: 3.7/5
Basque Cheesecake
$50
52 瀏覽
1 讚好
0 留言
Basque Cheesecake
$50
30 瀏覽
0 讚好
0 留言
.
☞ Cold Brew Fizz🥃$60
一向鍾意飲tonic嘅我幾鍾意呢一杯。
加入左檸檬同埋Rosemary，非常清爽🥰！
Tonic嘅甜味唔會蓋過咖啡本身嘅香氣，咖啡嘅苦澀味會慢慢滲出，對於習慣飲齋啡嘅我恰到好處，不過朋友就略嫌苦咗啲。
味道: 4.1/5 性價比: 3.7/5
Cold Brew Fizz
$60
24 瀏覽
0 讚好
0 留言
.
整體來講，食物大致上唔錯🤟🏻欣賞佢哋sourdough嘅配搭，亦有少少打卡位。不過座位就唔算太舒服，冇咁適合坐喺度做嘢，而且定價有少少高。
張貼
