幸運星

營業中

休息中

呢間食肆開咗半個月，地方企理闊落，鋪頭外好像傳統茶餐廳，因有售買傳統菠蘿包、雞尾包等，但舖內則售賣日式飯和烏冬。餐牌食品種類不多。叫咗孖寶（吉列豬扒，照燒雞）滑蛋飯+熱薑檸蜜。吉列豬扒稍為乾身咗D，但燒雞入味及嫩口，但飯比較濕，因有滑蛋原故。薑檸蜜只有一小薑片，飲落都幾辣，飲多兩啖個囗有D「興」，但就冇乜檸檬味。整體食品都ok，賣相吾錯，價錢亦合理。