而打淥滷汁拌粉 (青衣城2) (已結業)

星期六貪方便，屋企附近買個滷粉外賣返屋企食。「而打淥滷汁拌粉」開在青衣城2期1樓，交通方便。食飯時間唔多人排隊，好岩趕時間嘅我，拎返屋企就有得食，正！我揀咗🌟米線（蔥油滷汁拌粉有油麵，粿條，米線三款）。米線比較硬，如果想食冧啲就要同店員講煮耐啲啦。 🌟煙韌滷豆乾 豆乾幾有豆味，口感夠Q。 🌟滷鵪鶉蛋，入味，1份有4粒。 🌟滷汁蘿蔔，蘿蔔清甜，滷汁濃味。🌟招牌金錢肚，入味，夠冧。100蚊有找✌️價錢不貴！拎返屋企仲有餘溫，可以即食，比較重口味，好在買咗楊桃汁，酸酸甜甜中和返，幾好。