石磨樂豆

營業中

休息中

如果唔係好肚餓，但係又要食午餐或者晚餐嘅話，我會揀呢個喺新加坡數一數二受歡迎嘅豆乳品牌Jollibean🤩佢哋係用A級加拿大黃豆，所以豆乳都香濃而且健康。今日經過觀塘裕民坊見到，所以就買咗嚟試🥳✨鹹蛋黃碎蛋吐司原來間中會出期間限定款，好似我今日就試咗鹹蛋黃碎蛋吐司，入面有好多碎蛋加埋鹹蛋黃一齊食好香濃。✨黑白芝麻豆腐花芝麻糊都幾香濃，豆腐花好滑，好香豆味，我自己就唔再落糖漿咁樣會健康啲。✨抹茶紅豆小丸子豆乳我見到佢哋有3款熱飲供應好立克豆乳，即磨咖啡豆乳同9 °微甜濃豆乳。不過我就揀咗抹茶紅豆小丸子豆乳，抹茶味好濃郁，配埋紅豆同小丸子真係一絕。✨木瓜雪耳雪梨豆乳呢個真係未試過，比較特別同埋清新，食到木瓜雪耳喺入面，有少少似糖水。