更多
2005-12-08
41 瀏覽
前陣子跟同事講起不如攪下飯局,約埋兩個舊同事去打邊爐...佢地問都無問去邊度食就say yes了,真爽快~可惜因為各種原因,postpone 到琴晚先出黎,適逢o岩o岩氣溫急降,真合時啊~~~ 前日打左去book位(都有諗過呢d地方洗唔洗/有無得book呢?),都幾轉折....先打去openrice提供o既電話,頭兩次都無人聽,之後有位阿姐接,叫我打去另一個手提電話訂位,但係o個個手提電話又無人聽,最後就打左去另外一個網上搵到o既電話,今次book 到位了! 我地琴晚未夠七點已經到達,都唔係好難搵,大大個牌其實都唔算係後巷丫,幾間舖位都係老坑的,同阿姐講book左七點,但係阿姐話搵唔到我個booking ~.~"好彩...最後佢都搵到張檯比我地,入到佢發現好多張檯都已訂位,真係一額汗^^" 先黎個招牌湯底:蕃茄蟹湯(正!!)兩隻大蟹之外,原來仲有薯仔同蜆肉,未開始打邊爐已經想飲晒佢XDDDD 另外仲叫左:豬肺,鵝腸拼豬心定,大魚頭,A菜,西洋菜,本地手切肥牛兩大碟,四寶丸,三菇(金菇,草菇,鮮冬菇) 呢度d野真係好新鮮啊~~~好多野唔洗點豉油都好鮮甜,而且出面未必有得叫,最好就係好多
可惜因為各種原因,postpone 到琴晚先出黎,適逢o岩o岩氣溫急降,真合時啊~~~
前日打左去book位(都有諗過呢d地方洗唔洗/有無得book呢?),都幾轉折....先打去openrice提供o既電話,頭兩次都無人聽,之後有位阿姐接,叫我打去另一個手提電話訂位,但係o個個手提電話又無人聽,最後就打左去另外一個網上搵到o既電話,今次book 到位了!
我地琴晚未夠七點已經到達,都唔係好難搵,大大個牌
其實都唔算係後巷丫,幾間舖位都係老坑的,同阿姐講book左七點,但係阿姐話搵唔到我個booking ~.~"
好彩...最後佢都搵到張檯比我地,入到佢發現好多張檯都已訂位,真係一額汗^^"
先黎個招牌湯底:蕃茄蟹湯(正!!)
兩隻大蟹之外,原來仲有薯仔同蜆肉,未開始打邊爐已經想飲晒佢XDDDD
另外仲叫左:
豬肺,
鵝腸拼豬心定,
大魚頭,
A菜,
西洋菜,
本地手切肥牛兩大碟,
四寶丸,
三菇(金菇,草菇,鮮冬菇)
呢度d野真係好新鮮啊~~~
好多野唔洗點豉油都好鮮甜,而且出面未必有得叫,
最好就係好多野都有得雙拼,可以試多幾款呢
平時打邊爐麻麻地鍾意食丸,不過呢度d四寶丸自家製,好彈牙,唔似出面o個d求其唧粒丸比你就算,大魚頭好滑,醃過有味,唔腥!豬肺又係好鬼正~
個湯底就唔洗多講啦,如果唔係因為太飽,真係想叫多個烏冬,隊埋佢XDDDD
呢度d人幾有禮貌,全晚個個都忙到不可開交,但係都會唔好意思前,唔好意思後,多謝晒....(就算o個d 飛型青年伙記都係XDD)有位阿姐好好啊~我地原本想加多個墨魚膠+蝦膠,佢就話我地個四寶丸都有呢兩樣喎,唔好叫咁多,怕我地食唔晒~加分!
臨走時發覺全場滿座,連出面outdoor 都開左兩檯,
嘩...我地o岩o岩食完出黎都覺得好凍,佢地仲要坐成晚~~睇黎呢度真係幾受歡迎!見到d同事一路食一路話正,我都好開心~~~~佢地仲已經諗定下次再黎要試胡椒豬肚湯呢!
張貼