影片
更多
2019-04-20
56 瀏覽
呢一日去到深水埗買嘢，天氣麻麻地又落大雨， 見到深水埗地鐵站隔離，有呢一間感覺好傳統嘅粉麵舖，喺門口都聞到好香嘅牛什味，一於去試下。一入到去，基本上一眼睇曬，可以睇住師傅點樣煮粉麵，感覺都衛生乾淨企理。潮州魚蛋牛丸墨魚丸都有，不過比較特別嘅係呢度嘅牛腩同牛雜， 又出面比較少見嘅牛沙瓜、坑腩、爽腩等等，全部都係新鮮嘅牛雜牛腩，感覺唔錯。叫咗個灼油菜好快送到， 啲菜感覺都新鮮，通菜幾脆口。不過重點係呢度嘅新鮮牛雜非常肥美，好香牛味， 而且滷得超入味， 對於好鍾意食牛雜嘅人一定要試下，尤其是佢嘅金錢肚同埋牛腸， 爽口彈牙， 對比出面嘅冰鮮牛雜，真係唔係同一個層次。撈面仲有佢哋自家調配嘅撈麵醬，食落有蒜香同乾蔥味，撈埋面真係好惹味。不得不提就係呢度嘅豬手，老闆特別推薦我哋要試下， 聽講平時三日就賣出成60磅， 而且每隻豬手仲大個拳頭， 豬手炆得非常之入味，仲好有傳統嘅味道，香香地嘅南乳加埋少少冰糖味，食落入口即化。唔係講笑，兩隻豬手已經遮咗成碗麵，真係非常大隻。配埋撈麵醬真係一流。食得意猶未盡之後，仲叫多咗個淨牛丸配墨魚丸， 牛丸多汁彈牙， 每粒食落都爆汁好juicy。墨魚丸都好爽口，仲食到好
一入到去，基本上一眼睇曬，可以睇住師傅點樣煮粉麵，感覺都衛生乾淨企理。
潮州魚蛋牛丸墨魚丸都有，不過比較特別嘅係呢度嘅牛腩同牛雜， 又出面比較少見嘅牛沙瓜、坑腩、爽腩等等，全部都係新鮮嘅牛雜牛腩，感覺唔錯。
叫咗個灼油菜好快送到， 啲菜感覺都新鮮，通菜幾脆口。
不過重點係呢度嘅新鮮牛雜非常肥美，好香牛味， 而且滷得超入味， 對於好鍾意食牛雜嘅人一定要試下，尤其是佢嘅金錢肚同埋牛腸， 爽口彈牙， 對比出面嘅冰鮮牛雜，真係唔係同一個層次。
撈面仲有佢哋自家調配嘅撈麵醬，食落有蒜香同乾蔥味，撈埋面真係好惹味。
不得不提就係呢度嘅豬手，老闆特別推薦我哋要試下， 聽講平時三日就賣出成60磅， 而且每隻豬手仲大個拳頭， 豬手炆得非常之入味，仲好有傳統嘅味道，香香地嘅南乳加埋少少冰糖味，食落入口即化。
唔係講笑，兩隻豬手已經遮咗成碗麵，真係非常大隻。
配埋撈麵醬真係一流。
食得意猶未盡之後，仲叫多咗個淨牛丸配墨魚丸， 牛丸多汁彈牙， 每粒食落都爆汁好juicy。
墨魚丸都好爽口，仲食到好香嘅墨魚粒。
原來深水埗都有咁多好嘢食，下次都可以再試下。
張貼
