阿爺八鮮鍋 (已結業)

好耐冇食過海鮮🥺有日係社交平台見到啲海鮮好正咁，今日就過去食佢😜要食返過癮先得！✨2.5鍾海鮮+雞煲放題雞煲係味道方面嘅選擇都幾多，今次就揀左個芝士味嘅，因為肥米同家姐都食唔到辣🤣不過佢個芝士都好正！勁多拉絲芝士～基本上舊舊雞都一定包住芝士，比芝士一啲都唔手軟👍🏻雞煲食完可以encore唔同味，啫係你想試晒所有味都得！不過我哋想留肚食海鮮🤣所以就冇叫多轉~到打邊爐～個霸王海鮮盤勁多靚海鮮，全部都好新鮮，隻龍蝦勁大隻，鮑魚仲要係試郁㗎！🤩食落去啲肉好彈牙好爽😍除左個拼盤，揀叫嘅都有海鮮～佢嘅鮑魚都一樣咁新鮮嘅，仲有龍躉片叫，啖啖肉唔洗有骨🤣啱晒唔食骨嘅我地，唔洗滾太耐魚片就會好滑🤤其他揀食嘅餸一啲都唔差！✨仼食龍蝦（椒鹽/芝士）肥米加左仼食龍蝦🦞佢嘅椒鹽都勁惹味！肉質都鮮甜嘅，不過就要剪殼係有啲麻煩😂肥米應該之後想食海鮮放題都會再食過呢間！佢其實幾抵食，同埋又有活海鮮，想食刺生都有🤩所以係唔錯，讚！#阿爺八鮮鍋📍旺角登打士街43H號登打士廣場3樓