阿爺八鮮鍋 (已結業)

天寒地凍想同朋友打吓邊爐，就嚟咗喺呢間登打士廣場3樓叫做阿爺八鮮鍋嘅火鍋專門店，呢間火鍋專門店主打係活海鮮同埋刺身，$368 150分鐘任食雞煲火鍋，加$108仲可以任食龍蝦，簡直係抵到爛🤤🐓雞煲 雞件全部都嫩滑多汁，每一件雞件都啖啖肉，醬汁味道調配得好好，煮得好入味，食得辣嘅朋友可以食辣，咁就更惹味🦞椒鹽龍蝦 呢一碟嘅龍蝦簡直冇得輸，能夠揀芝士或者椒鹽，龍蝦非常新鮮，每一啖肉都爽口彈牙，同你去海鮮市場食完全冇分別，呢度仲要任食，性價比極高🍲火鍋 火鍋嘅配料有好多選擇，最令人興奮嘅就係海鮮拼盤，有鮑魚、聖子、扇貝、海蝦、龍蝦同埋蟹，全部都係新鮮活海鮮，至於肉類方面，牛肉嘅質素亦都非常高，牛肉味好濃郁，脂肪分布均勻，口感一流，此外，蝦滑同墨魚滑都係必食推介之一🐚四頭南非鮑魚 $48 除咗任食嘅海鮮之外，餐廳每日都會有推介嘅新鮮海鮮可以加配，今次我就加配左四頭南非鮑魚，爽口彈牙，鮮甜美味，啖啖肉，如果見到有新鮮嘅，一定要加配嚟試吓📍旺角登打士街43H號登打士廣場3樓 - 阿爺八鮮鍋