影片
更多
2023-03-24
107 瀏覽
🌟餐廳：稻乙日本料理📍地址：尖沙咀寶勒巷10號2樓💰價位：～$800⏰營業時間：星期一至日12:00 - 15:00 / 18:00 - 23:00📱電話：2333 3288今日準時收工約埋同事去尖沙咀行街shopping~佢介紹今晚試吓間隱世居酒屋「稻乙日本料理」，齊齊歎返餐日本菜😬餐廳位於寶勒巷，地理位置超方便~居酒屋有經驗豐富既師傅坐鎮，由日本築地市場及世界各地空運新鮮魚類及海產到港，製作精緻既日式料理；加上部分VIP房設有榻榻米座位，猶如置身於日本居酒屋，一於去感受下先~————————————————— —————✨鱈魚白子- 入口滑順細膩，軟棉棉口感一流~搭配日式酸汁、蘿蔔蓉及蔥花一齊食，清新之餘，更能突顯白子既鮮味~✨鰹魚魚子- 鰹魚魚子一梳梳，份量十足~食落既質感爽脆，魚油味突出，搭配特調日式酸汁，味道更濃郁~✨明太子炒露荀- 露荀鮮嫩爽口，再加入明太子翻炒，令露荀帶點咸鮮味，呢個煮法好出色~✨炸白蝦- 非常香脆可口既小食~炸白蝦夠乾身香脆，輕輕用鹽調味已能帶出蝦既鮮甜味~✨鐵板燒牛油炒鮑魚- 餐廳以新鮮鮑魚切片，加入日本本菇等翻炒，調味用上牛油及清酒，食落鮮味十足，必
📍地址：尖沙咀寶勒巷10號2樓
💰價位：～$800
⏰營業時間：星期一至日12:00 - 15:00 / 18:00 - 23:00
📱電話：2333 3288
今日準時收工約埋同事去尖沙咀行街shopping~佢介紹今晚試吓間隱世居酒屋「稻乙日本料理」，齊齊歎返餐日本菜😬
餐廳位於寶勒巷，地理位置超方便~居酒屋有經驗豐富既師傅坐鎮，由日本築地市場及世界各地空運新鮮魚類及海產到港，製作精緻既日式料理；加上部分VIP房設有榻榻米座位，猶如置身於日本居酒屋，一於去感受下先~
————————————————— —————
✨鱈魚白子
- 入口滑順細膩，軟棉棉口感一流~搭配日式酸汁、蘿蔔蓉及蔥花一齊食，清新之餘，更能突顯白子既鮮味~
✨鰹魚魚子
- 鰹魚魚子一梳梳，份量十足~食落既質感爽脆，魚油味突出，搭配特調日式酸汁，味道更濃郁~
✨明太子炒露荀
- 露荀鮮嫩爽口，再加入明太子翻炒，令露荀帶點咸鮮味，呢個煮法好出色~
✨炸白蝦
- 非常香脆可口既小食~炸白蝦夠乾身香脆，輕輕用鹽調味已能帶出蝦既鮮甜味~
✨鐵板燒牛油炒鮑魚
- 餐廳以新鮮鮑魚切片，加入日本本菇等翻炒，調味用上牛油及清酒，食落鮮味十足，必試~
✨薄切左口魚刺身
- 師收刀功一流，每片左口魚薄切至晶瑩剔透~左口魚入口帶點爽勁，味道鮮甜，再搭配日式醋汁及蔥花，更鮮味~
✨煙燻鰹魚
- 煙燻鰹魚厚切大大件，經煙燻後魚肉更緊緻，魚味更濃郁~
✨串燒牛舌 及 串燒雞橫隔膜
-食日本菜點少得串燒~兩款串燒即叫即燒，香噴噴，我地就推介串燒雞橫隔膜，肉質爽彈多汁，啖啖肉一d都唔油膩~
✨魚湯稻庭烏冬
- 餐廳另一主打菜式~
湯底以大量魚肉熬制至奶白色，鮮甜濃稠，搭配彈牙既稻庭烏冬，食得好滿足~
我地連湯都飲埋，食完成個人暖笠笠，為今餐劃上完美既句號~
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳主打以新鮮時令既日本海鮮制作高質既日式料理~食物款式眾多，夠哂多元化，性價比高~而家經openrice 訂座仲可享全單九折~仲有呀，記得叫返支清酒慢慢歎，搭配刺身及串燒一流，720ml 既清酒仲係買一送一添啊，仲唔快d book 位黎試！
———————————————————
張貼
