1
好用心制作嘅👻萬聖節限定套餐👻
餐湯
粟米南瓜湯：自然嘅香甜又不失順滑口感。
忌廉龍蝦湯：忌廉綿密絲滑，龍蝦鮮甜。
前菜
巴馬火腿蜜瓜卷
咸香火腿同清甜蜜瓜嘅結合，整體清新又不失精緻。
主菜
美國穀飼肉眼扒（250G）
肉嘅紋理清晰，大理石花紋，一睇就知品質高！肉眼扒口感鮮嫩，我地點五成熟，肉中心呈現誘人粉紅色，肉質鮮嫩多汁。
法式焗酥皮羊架
酥皮做得極出色，金黃香脆，邊緣微微鼓起，外脆內軟，羊肉juicy！
甜品
眼球芝士蛋糕
芝士蛋糕綿密，味道濃郁，甜度適中。
木乃伊手指曲奇x心太軟
造型好盞鬼，心太軟流心感正，香甜軟糯。
飲品
吸血鬼之吻
雜莓奶昔，重士多啤梨味，都幾開胃，有少少甜。
爆汁眼球特飲
雜果賓治，分層色彩令人眼前一亮，味道風味偏柑橘系。
