小野人 (MONTEREY Place)

營業中

休息中

今次去咗將軍澳澳南海岸食串燒，呢邊環境幾清幽，食完飯去海邊行下都幾舒服寫意。餐廳主打食串燒，海鮮新鮮直送，種類選擇都幾多，我地點咗幾款串燒，有烤封門柳牛肉串、烤厚切牛舌芯、烤雞肉串、大漠烤羊肉串、香蔥黑豚肉卷同埋小野人燒雞翼，串燒全部即點即燒，新鮮熱辣，火喉控制得唔錯，燒到外焦內嫩，食起黎好香口。另外點咗幾款海鮮試下，蒜蓉粉絲烤扇貝、Q彈大魷魚同埋烤海中蝦，海鮮新鮮鮮嫩，大魷魚口感彈牙，辣度十足。蔬菜野緊係唔少得，有蒜蓉烤茄子、烤鮮嫩韭菜同埋墨西哥玉米，茄子滿滿蒜蓉，十分惹味。墨西哥玉米有芝士同埋沙律醬，味道層次豐富。最後食埋糖燒牛奶方包，甜甜地可以當甜品。仲有點咗小野人滿杯菠蘿同埋小野人滿杯草莓，沙冰清涼可口，解膩一流。