新沙洞大排檔 (大政街)

營業中

休息中

呢間韓國餐廳我同朋友上次食完覺得幾唔錯，見佢近期有啲新嘢有優惠，所以朋友話要再嚟。 佢嘅醬油蟹做緊優惠，只要預先打電話去訂位，星期一至四全日，同埋星期五六日夜晚7點前都可以用$198食到醬油蟹。朋友話好抵食，所以我從來未食過都陪佢試下。另外，我哋再叫咗兩樣野就已經夠飽。 ⭐醬油蟹拌麵呢度嘅醬油蟹係用韓國產最頂級的延平島膏蟹，每星期都會翻兩轉貨，所以保證新鮮，唔怪得枱枱都食。蟹肉味幾鮮甜，亦有唔少蟹糕，個醬汁更加令個鮮味突出。而佢嘅辣椒同鹽都係用韓國貨，所以朋友都話幾似喺韓國食到嘅味。麵係蕎麥麵，上面放咗啲蟹子，拌埋個汁食好惹味。 ⭐火焰醬燒排骨呢碟好有儀式感，職員喺我哋面前淋酒，然後點火，唔怪之得叫火焰。排骨係金沙骨，充滿濃郁嘅醬，味道有啲似麵豉醬，加上有好香嘅芝麻味，再運埋少少酒味中和一下，味道幾有層次。 ⭐脆炸年糕配韓式辣醬仲叫咗呢個傳統小食，望落平平無奇，但食落都幾唔錯。年糕炸完都仲係好煙韌，同埋細細條好易入口，仲可以啖啖食到韓式辣醬。 鍾意食韓國嘢嘅朋友，可以試下呢間，環境仲幾有喺韓國嘅感覺。