賦湯稻火

營業中

休息中

今日天氣突然涼左好多，同老婆都好耐無去過大角咀搵食，在利奧坊附近都有不少食店，涼涼地到最後選擇打邊爐，路過這間店名都好特別，賦湯稻火係一間火鍋店，裡面格局都整潔坐得又幾舒服。到最後睇完餐牌，選左個海鮮套餐，$268己經包了醬料、茶介，咁都算幾抵，又有海鮮食。海鮮火鍋套餐【賦湯稻火清湯底】這個清湯有好多菜、豆腐等食材，湯底味道比較清淡，滾海鮮非常一流，令海鮮更加提升鮮味。【海鮮拼盤】美國桶蠔：肉身豐厚肥美，蠔味又濃。鮑魚：肉質鮮嫩帶點彈牙鮮甜。生蝦：雖然不算好大隻，但勝在肉質非常爽口彈牙，這個真係估不到，值得推介。花枝：口感好有彈性，這個真不錯。鮮脆鯇片：超脆超爽口，非常新鮮，魚肉鮮甜味美。【台式滷三寶】金錢肚、滷牛筋、豬大腸三款都用上濃郁滷水香味，放上清湯鍋都不會走失滷水的香氣，這三款原本已經熟的，所以放下都不需要滾太耐。【手打丸拼鳳城水餃】手打蝦丸 : 爽滑多汁的蝦膠，不失蝦的鮮味和彈性，不錯不錯。香菇貢丸 : 香菇味濃又有咬口彈牙。鳳城水餃 : 在咁多間店，這間店水餃最好食，勁多料，蝦又大隻，味道一流。【田園蔬菜拼盤】有不同蔬菜，非常新鮮鮮甜。