老爹 (已結業)

早前經過接過這店的宣傳單張，今日決定試吓，上到去，地方幾大，裝橫不錯，叫了佢個精選午餐，香煎雞扒拼牛仔腸飯，佢有兩個汁選青咖哩或秘製醬汁，我選了秘製醬汁，另外加了$10要餐湯及餐包，餐湯是菠菜煙肉忌廉湯，味道不濃，而且不杰身，飲完也不覺膩，而且好夠熱，冬天飲完會覺溫暖，碟飯賣相ok，塊雞扒也算大塊，應該即叫即煎，熱辣辣，肉質也算嫰，有啲青豆黃瓜做配菜，感覺refresh一點，個秘製醬汁有啲似豉油，不會過咸，飲品叫了熱金桔檸檬，結帳$86，服務也ok，整體而言不錯.