星級餐廳 (已結業)

新開隱世星級火鍋放題🍲平時食雞煲都係食完雞再加湯。不過食咗咁多次，慢慢覺得咁食好似全部野一樣味咁🙉今次黎大角咀 #星級餐廳 真係全部安排都好貼心。一枱會有兩個煲，一個特式湯底打邊爐，另一個就係可以無限追加既 秘製雞煲。真係一次滿足大家兩個願望，唔使次次好趕咁食哂成個雞煲。另外，呢到仲專登保留住我中學時期放題要寫紙仔既傳統，依家真係變左特色😆餐廳好貼心，上煲之前驚大家等，準備咗一系列精美嘅頭盤俾大家邊等邊食😋最驚喜係每人半邊芝士焗龍蝦，芝士味濃郁，每隻重一斤啖啖肉好正！仲有泰式拼盤，串燒、泰式魚餅、蟹餅，水準拍得住泰國菜餐廳。呢啲前菜都係任嗌架😱今次揀咗椰子湯底，上菜嘅時候仲會跟埋一個椰青，加湯嘅時候倒落去，越煲越有椰味☺️ 海鮮拼盤有鮑魚、蝦、青口、蜆⋯⋯分量好震撼仲好新鮮。火鍋配料除咗普通野，仲有好多比較高級既食材，花膠、田雞、鱔片、鮑魚仔等等，性價比真係超高。⚠️如果你仲唔夠喉，仲可以十蚊一隻高質愛爾蘭生蠔，無限追加💯野飲款式都好多，平時打邊爐放題嘅罐裝紙包飲品都有。最特別嘅係佢有得入紙叫啲特色飲品。我最鍾意佢哋既拉花咖啡，仲係由得獎咖啡師即磨手沖，真係深藏不露嘅火鍋店😆😆鍾意飲酒嘅