紅葉茶屋 (奧海城二期)

營業中

休息中

Happy Friday諗住試啲新野食，前排知道奧海城開左新餐廳，今次就首先黎食依間紅葉茶屋。佢中午無特別lunch set，淨係得主餐牌，如果係咁我覺得食晚餐會抵啲因為一樣價錢。餐牌主食普遍都要$70幾蚊以上，定食就要$80-100幾不等。我叫左個吉列豬排滑蛋丼定食($84)，諗住應該都比較穩陣。個定食有附兩個漬物前菜同埋碗湯。湯嘅胡椒粉都落得頗多，有啲重口味，同埋佢啲前菜都幾鹹下，我食左兩啖就放棄左。至於主食，賣相睇落都正正常常，不過一夾啲豬排，皮同肉好容易散開哂，成碗野基本上都食唔到一塊完整嘅吉列豬排。佢啲肉就煮得好淋，但係覺得淋到好似唔知食緊咩咁。雖然個丼飯分量都唔少，但係依個價錢比咁樣嘅質素真係有啲失望，唔建議叫依個吉列豬排滑蛋丼。下次如果仲有機會再黎食，應該唔會再叫主食，會想試佢啲甜品多啲。